Дуото на Милан, Клас Јан Хунтелар и Матеу Фламини не планираат да заминат од Сан Сиро

Во пресрет на последниот ден од зимскиот трансфер период, Клас Јан Хунтелар и Матеу Фламини ја потврдија својата желба да останат на Сан Сиро.

Дуото не добива голема минутажа од Леонардо и затоа медиумите ги поврзуваа со заминување од Милан.

Фламини вчера на дуелот со Ливерно беше стартер додека пак Хунтелар одигра 45 минути и двајцата велат дека добро се чувствуваат во дресот на Росоњерите.

“Одиграв само 45 минути и очекував повеќе од моите перформанси. По изедначувачкиот погодок не можевме да ја промениме ситуацијата.” – рече Хунтелар.

“Решив да останам во Милан бидејќи има многу луѓе со кои изградив добар однос и се чувствувам комфорно во клубот.”

Поранешниот играч на Арсенал, Матеу Фламини, кој се поврзуваше со преселба во Манчестер Сити исто така ја повтори својата верност.

“Има неколку тимови што покажаа интерес за моите услуги.“ - рече 25 годишниот играч од средниот ред.
 
“Но јас сум задоволен од мојот престој во Милан.”

Powered by: 24 FUDBAL.com.mk