МЕНИ

Англија | Менаџерот на ’Црвените’, Брендан Роџерс соопшти дека клубот му понудил нов договор на капитенот Стивен Џерард...

34 годишниот Англичанец е обврзан кон Ливерпул до крајот на сезоната, и во последно време често се говори за неговата иднина.

Во разговор со медиумите од ’Островото’, Брендан Роџерс сега открива дека ’Црвените’ му понудиле нов договор на Стивен Џерард и изрази надеж дека играчот ќе остане на Енфилд.

„На Стивен му е понуден нов договор” – рече менаџерот на Ливерпул на денешната прес конференција. „Неговите агенти разговараат со претставници на Ливерпул”.

„За се она што има сторено за овој клуб, заслужува да добие доволно време да го разгледа предлогот”.

„Веројатно тој ќе треба да обрне внимание на многу аспекти пред да донесе одлука, но сигурно парите нема да бидат клучен фактор”.

„Обожавам да работам со него, Стивен е најдобриот играч со кого сум соработувал, па се надевам дека ќе продолжи да го носи дресот на Ливерпул”.

За дуелот со Стоук изминатиов викенд, популарниот Стиви Џи беше оставен на клупа, а медиумите веднаш почнаа да говорат за кавга помеѓу капитенот на Ливепул и Брендан Роџерос.

„Разочаран сум од ваквите написи, апсолутно нема никакви проблеми помеѓу мене и Стивен” – додава Роџерс.