Македонија | Селекторот на македонската репрезентација, Бошко Ѓуровски е оптимист во пресрет на натпреварот против Словачка, свесен е за силината на противникот, но очекува добар резултат...



Македонија утре игра многу важен натпревар од квалификациите за ЕП 2016, на Филип Втори Арената ни гостува првопласираната селекција во групата, Словачка.
 
Македонскиот селектор, Ѓуровски вели дека самодовербата во нашиот табор е на високо ниво, оптимист е, и според него за да ја победиме Словачка ќе треба да постигнеме два гола.
 
„За да дојдеме до позитивен резултат, да оствариме победи, потребно е да постигнеме два гола. Мора да го дадеме максимумот, не само да трчаме туку да покажеме дисциплина во тактичката поставеност на теренот" - вели Ѓуровски.
 
„Тие би требало да притиснат со висок пресинг, ние мора да имаме добра транзиција од одбрана во напад за да го добиеме овој натпревар".
 
„Самодовербата во селекцијата е на високо ниво, играчите се гладни за добри резултати, подготвени сме да одиграме квалитетен натпревар".
 
Селекторот потврди и дека Александар Трајковски е комплетно подготвен за утрешниот натпревар и ќе се најде меѓу стартерите.
 
Ѓуровски проговори и за Давид Бабунски кој често знае да биде гласен на социјалните мрежи на теми поврзани со репрезентацијата.
 
„Бабунски е одличен, кога е во репрезентацијата работи одлично. Можеби малку повеќе користи социјални мрежи кога не е со нас, но јас не го читам тоа, не користам такви работи".

Извор: 24FUDBAL.com.mk