Според медиумите од Италија, Кристијан Ледесма ја одбил понудата на Џенова бидејќи посакува само преселба во Интер

Нероаѕурите не го кријат својот интерес за Аргентинецот и веќе доставија неколку понуди кои Лацио ги одби.

Медиумите од Италија вчера објавија дека и екипата на Џенова се приклучила во трката за Ледесма и тие доставиле понуда вредна 2 милиони евра плус услугите на дефанзивецот Салваторе Бокети и Алберто Запатер.

Но Ледесма, кој не успеа да го раскине договорот по судски пат, ја одбил понудата на Џенова поради тоа што посакува само преселба во Интер кај својот поранешен соиграч Горан Пандев.

Директорот на Интер, Марко Бранка вчера беше во Рим и според медиумите тој имал неколку часовен состанок со Клаудио Латото.

Corriere dello Sport објави дека понудата на Интер била 8 милиони евра плус половина од сопственоста на младиот Рене Крин.

Сепак Клаудио Лотито побарал 10 милиони евра и се очекува денеска во Милано да има нов состанок на кој Нероаѕурите ќе излезат во пресрет на барањата на Лацио и конечено ќе го ангажираат Ледесма.

Се верува дека со ваквата понуда - 10 милиони евра и плус половината сопственост на младиот Словенец - Интер не само што ќе го добие Ледесма туку и ќе плати одредена компензација за Горан Пандев, кој се пресели на Џузепе Меаца како слободен играч откако го раскина договорот со Бјанкочелестите по судиски пат.

Powered by: 24 FUDBAL.com.mk