Евро 2016 | Според пишувањата на медиумите од ’Островото’, помошник тренерот на Ирска, Рој Кин нокаутирал навивач, но Фудбалската Федерација на Ирска вели дека ваквите стории се неточни...



Медиумите од Англија пишуваат дека поранешниот фудбалер од средниот ред на Манчестер Јунајтед вчера вечерта физички нападнал фан во барот на хотелот во кој престојува репрезентацијата на Ирска во пресрет на натпреварот со Шкотска во квалификациите за ЕВРО 2016.
 
Извештаите велат дека инцидентот настанал кога гостин во хотелот побарал од Рој Кин да ја потпише неговата автобиогравска книга ’Второ Полувреме’.
 
Помошник тренерот на Ирска одбил да го стори тоа, двајцата започнале вжештена расправа, за на крајот Рој Кин да го нокаутира фанот.
 
Полицијата потоа пристигнала во хотелот, започната е истрага но никој не е приведен ниту пак е поднесена тужба.
 
Фудбалската Федерација на Ирска потврдува дека имало инцидент, но нагласува дека извештаите на медиумите се неточни и му даваат целосна подршка на својот помошник тренер.
 
Од таборот на Ирска исто така велат дека токму Рој Кин бил тој што ја повикал полицијата.

Извор: 24FUDBAL.com.mk