Германија | Џердан Шакири признава дека во јануари би можел да ја промени средината во потрага на поголема минутажа...



Репрезентативецот на Швајцарија изминатото лето беше мета на неколку клубови, но Баерн Минхен не сакаше да слушне за продажба.
 
И покрај тоа што ’Баварците’ одбија да се откажат од талентираниот Џердан Шакири, Пеп Гвардиола и понатаму не смета сериозно на неговите услуги и играчот има мала минутажа.
 
Во разговор со Blick, офанзивниот фудбалер од средниот ред признава дека размислува за заминување од Алианц Арена, и на оваа тема ќе разговара со лидерите на Баерн.
 
„Секако дека сакам да играм повеќе” – вели Шакири.
 
„Сакав да заминам во летниот преоден рок, но клубот донесе одлука и јас морам да се помирам со тоа”.
 
„По Светското Првенство чувствував дека е подобро да искусам нова авантура. Размислував за трансфер и пристигнаа неколку понуди, но Баерн одлучи дека морам да останам, и како играч не можете да сторите ништо во ваква ситуација”,
 
„Сите знаат дека сакам поголема минутажа”.
 
„Ќе разговарам со лидерите на Баерн зимоска. Имам импресија дека никогаш нема да бидам регуларен стартер дури и ако постигнувам гол на секој натпревар”.

Извор: 24FUDBAL.com.mk