Англија | Лошите резултати на Манчестер Сити го натераа раководството на клубот да размислува за смена на Пелегрини, нивни прв пик за негов наследник е Диего Симеоне...



Граѓаните се осум бода зад лидерот Челзи, беа елиминирани од Њукасл во Лига Купот и се на дното на табелата во групата во Лигата на Шампионите со само теоретски шанси за пласман во елиминационата рунда.
 
Ваквите резултати се причина за се погласни шпекулации дека на Пелегрини му се спрема отказ иако официјално тој сеуште ја има поддршката од клубот.
 
Како прва опција за наследник на Пелегрини се споменува тренерот на Атлетико Мадрид, Диего Симеоне кој врши фантастична работа во помалиот клуб од главниот град на Шпанија.
 
По сите успеси во Шпанија, Симеоне би прифатил нов предизвик, а Манчестер Сити и Премиерлигата би биле идеална можност за него.

Извор: 24FUDBAL.com.mk