МЕНИ

Англија | Репрезентативецот на Португалија, Нани вели дека во неговиот договор нема клаузула според која тој ќе може да се врати на Олд Трафорд во јануари...

Во летниот преоден рок, Луј ван Гал реши дека не му се потребни услугите на Нани, па Манчестер Јуанјтед го испрати играчот на едногодишна позајмица во Спортинг како дел од трансферот на Маркос Рохо.

Португалецот во Спортинг одново покажува што умее, игра во импресивна форма, па на почетокот од овој месец се појавија стории кои велеа дека офанзивниот фудбалер зимоска би можел да се врати на Олд Трафорд.

Менаџерот на ’Црвените Ѓаволи’ Луј ван Гал признал дека погрешно го проценел Нани, и ќе сторел се што можел уште во јануари да ја исправи грешката.

Зборувајќи од тренинг кампот на Португалија, Нани сепак ја отфрла ваквата можност, вели дека во неговиот договор нема клаузула според која тој ќе може да се врати во Манчестер.

„Мислам дека нема таква клаузула” – вели Нани. „Сепак, ќе оставам тоа други да го решаваат”.

Тој исто така им се заблагодари на фановите на Манчестер Јунајтед, кои сакаат одново да го видат во дресот на најтрофејниот англиски клуб.

„Добро е да се почуствува наклонетоста на фановите” – додава Португалецот.

„Сакаат да се вратам бидејќи свесни се дека играм во добра форма и можам да бидам од корист за клубот”.

„Таков е фудбалот. Еден ден не фалат друг ден не критикуваат”.