МЕНИ

Останато | Кристијано Роналдо денеска ја доби ’Златната Копачка’ за најдобар стрелец во Европа, награда која ја дели со Луис Суарез...

Ѕвездата на ’Кралевите’ минатата сезона постигна 31 погодок во Примера, исто колку и Луис Суарез во Премиерлигата, па по втор пат во историјата, ’Златната Копачка’ ќе ја делат двајца играчи.

Минатиот месец, Уругваецот ја прими ’Златната Копачка’, а попладнево на церомонија во Мадрид и Кристијано Роналдо стигна до своето признание.

Откако ја прими наградата, Португалецот рече: „Не очекував толку многу луѓе да бидат присутни тука”.

„Би сакал да им се заблагодарам на моите соиграчи, без нивна помош немаше да стигнам до ’Златната Копачка’”.

„Исто така сакам да му се заблагодарам и на моето семејство, фановите и на лидерите на Реал што ми пружија можност да играм за најдобриот клуб во светот”.

„Иако ова за мене е трета ’Златна Копачка’, се чуствувам како за прв пат да стигнува до ова признание”.

„Ова е специјален ден. Сакам да го споделам со сите оние кои ми даваа поддршка од мојот прв ден во Реал Мадрид”.

„Ветувам дека ќе продолжам да го давам најдоброто од себе со голови, асистенции и победи”.

„Ми претстојат уште многу години во Реал Мадрид и ќе продолжам да го давам максимумот”.