Англија | Капитенот на Манчестер Сити, Винсент Компани вели дека игра за слава а не за пари, па затоа ја одби понудата на Пирс Морган на Твитер да потпише за Арсенал...



По вчерашниот дуел помеѓу Арсенал и Андерлехт, натпревар на кој клубот од Северен Лондон прокоцка предност од три гола, популарниот фан на ’Топџиите’, Пирс Морган имаше интересен разговор со Винсент Компани на Твитер.
 
Разговорот започна откако капитенот на Манчестер Сити, кој 14 години го носеше дресот на Андерлехт, ја искористи социјалната мрежа да го искаже задоволство од неверојатниот кам-бек на неговиот поранешен клуб.
 
Пирс Морган, очигледно разочаран од играта на Арсенал во одбраната, му понуди 50 милиони фунти на Винсент Компани за да се пресели на Емирати Стадионот.
 
Дефанзивецот културно го одби ваквиот предлог и одговори: „Голем клуб, но не”.
 
Морган потоа достави нова понуда, 60 милиони фунти и две Ферарија, но Винсент Компани одново одговори негативно.
 
„Тие денови се минато. Пирс, играм за слава” – напиша капитенот на ’Граѓаните’.

Извор: 24FUDBAL.com.mk