МЕНИ

Лига на Шампиони | Тимот на Арсен Венгер имаше предност од три гола до 61. минута и не успеа да го совлада Андерлехт, натпреварот заврши 3-3, останатите фаворити ги оправдаа очекувањата...

Најинтересниот натпревар оваа вечер во Лигата на Шампионите се одигра на Емирати, каде што Андерлехт успеа да остане непоразен од Арсенал иако имаше три гола негатива.

Топџиите по срамниот финиш на натпреварот со наведнати глави го напушти стадионот.

Арсенал играше одлично, со головите на Артета и Санчез во првиот дел дојде до предност од 2-0, а во 58. минута преку Чембрлејн го зголеми водството и на 3-0.

Три минути подоцна Ванден Боре намали на 3-1, а истиот фудбалер во 73. намали и на 3-2 враќајќи го Андерлехт во игра, во 90. минута Митровиќ го шокираше Емирати израмнувајќи на 3-3.

Реал Мадрид со 1-0 го совлада Ливерпул, стрелец на погодокот беше Бензема по асистенција од Марсело, Кралевите можеа да слават и многу поубедлива победа, но не ги искористија шансите.

Натпревар со пресврти одиграа Јувентус и Олимпијакос кој го доби Старата Дама со 3-2, во последните моменти Видал можеше да зголеми и на 4-2 но промаши пенал.

Борусија Дортмунд игра очајно во Бундеслигата но затоа нема проблеми во Лигата на Шампионите, вечерва со 4-1 го победи Галатасарај, Горан Пандев не беше во комбинација за овој натпревар.

Атлетико Мадрид со 2-0 славеше на гостувањето кај Малме, Базел со убедливи 4-0 го победи Лудогорец, Бенфука со 1-0 беше подобра од Монако, а Леверкузен со 2-1 славеше кај Зенит.