Шпанија | Луиз Суарез признава дека е чудно што не е помеѓу кандидатите за освојување на Златната Топка, но вели дека не сака да коментира со цел да избегне нови проблеми...
Репрезентативецот на Уругвај минатата сезона беше извонреден во дресот на Ливерпул, доби признание за најдобар во Премиерлигата и стигна до Златната Копачка за најдобар стрелец на ’Стариот континент’.
Но поради инцидентот на мундијалот во Бразил кога го гризна Џорџо Киелини, потег за кој заработи суспензија од четири месеци, Луис Суарез не се најде помеѓу 23. кандидати за престижната награда Златна Топка.
Во разговор со RAC 1, напаѓачот на Барса признава дека е чудно што го нема неговото име на листата, но вели дека не сака премногу да говори на оваа тема со цел да избегне нови проблеми.
„Бев прогласен за најдобар фудбалер во Премиерлигата, едно од најтешките првенства. Бев и најдобар стрелец на Европа заедно со Роналдо, па затоа многумина беа изненадени што моето име не се најде на листата со 23. кандидати” – вели Суарез.
„Чудно е тоа што нема место за мене, но преферирам да не говорам повеќе на оваа тема”.
„Подобро е да молчам и да не влезам во нови проблеми”.
Извор: 24FUDBAL.com.mk
