Тренерот на Интер, Жозе Мурињо застана во одбрана на Чиро Ферара во пресрет на нивниот дуел од четвртфиналето од Купот на Италија.

Се очекува Ферара наскоро да добие отказ од кормилото на Јувентус, се предвидува дека тоа ќе се случи по дуелот со Интер.

На денешната прес конференција по повод утрешниот дуел против Јувентус, тренерот на Интер, Жозе Мурињо му даде поддршка на Ферара.

"Во Италија тренер кој ја стартувал сезоната на клупата на еден тим и кој успеал да ја заврши не е тренер, туку тој е херој" - вели Мурињо.

"Доколку погледнам колку тренери останале на своите позиции откако јас сум тренер на Интер ќе видам многу мала бројка, можеби пет или шест, Гасперини, Прандели, Алегри и веријатно сум заборавил еден или двајца, тоа е апсолутно неверојатно".

"Веројатно има многу пари во фудбалот па клубовите сакаат да плаќаат многу различни тренери".

"Секој тренер поминува низ добри и лоши моменти - на некои патот е многу потежок од другите, и во моментов ситуацијата на Ферари не е лесна" - изјави Мурињо.

Powered by: 24 FUDBAL.com.mk