Стратегот на Манчестер Сити, Роберто Манчини потврди дека тие се во преговори со два клуба од Бразил за позајмица на напаѓачот Робињо

Манчини ги потврди шпекулациите на медиумите на денешната прес-конференција во пресрет на дуелто со Манчестер Јунајтед и откри дека тие преговараат со два клуба од Бразил за можна позајмица на Робињо.

Робињо во последниве денови јавно најави дека посакува да се врати во Сантос но сега во игра е и екипата на Сао Паоло.

“Можно е нешто да се случи.” – рече Манчини.

“Вакви работи се случуваат. Знам многу случаеви во Италија кога клубот плаќа многу пари за фантастичен играч но потоа потребно е тој да игра за друг клуб.”

“Преговорите се во тек но во моментов тој е дел од мојот состав.”

Рекордниот трансфер во Англија, вреден 32,5 милиони фунти, бразилскиот интернационалец Робињо не може да добие гаранции од Манчини дека ќе биде стартер па во пресрет на Светското Првенство играчот побара да се врати во Бразил со цел да ја достигне најдобрата форма.

Powered by: 24 FUDBAL.com.mk