Напаѓачот на Манчестер Сити, Робињо уште еднаш ја нагласи својата желба да го напушти клубот и да се врати во Сантос

Бразилскиот интернационалец вчера беше цитиран од Radio Bandeirantes како вели дека е пред напуштање на Манчестер Сити откако Роберто Манчини не можел да му гарантира регуларен фудбал во пресрет на Светското Првенство.

Но по вчерашниот дуел со Сканторп, Манчини изјави дека очекува Робињо да остане во клубот и по јануарскиот трансфер период.

Но рекордниот трансфер за Британија, кој беше стартер и стрелец на дуелот со Сканторп во ФА Купот, во интервју за TV Globo уште еднаш ја изрази својата желба да се врати во Сантос.

Тој рече: “Преговорите бележат добар прогрес. Сантос единствено гледаат во должината на договорот бидејќи сакат да биде една година, додека пак Сити сакаат шест месеци.”

“Но мислам дека 90% е сигурноста на зделката.”

Робињо кој исто така се поврзува со Бенфика додаде: “Сантос се во преговори со персоналот на Сити и мислам дека за три дена ќе дефинираат се.”

Се шпекулира дека Сити во преговорите со Сантос се обидува да добие право први да ги ангажираат големите таленти на клубот – ’новиот Пеле’ Нејмар и плејмејкерот Паоло Хенрике Гансо.

Powered by: 24 FUDBAL.com.mk