МЕНИ

Горан Пандев го реши градското дерби на Милано, нашиот интернационалец со прекрасна асистенција и фантастичен погодок му донесе победа на Интер во големиот дерби натпревар.

Фантастична партија на Горан Пандев во градското дерби на Милано, нашиот интернационалец блескаше на Џузепе Меаца.

Горан Пандев со асистенција и одличен погодок беше херојот на Интер во победата против големиот ривал Милан.

Натпреварот беше отворен во 10та минута кога Пандев маестрално асистираше од центарот на теренот до Милито, овој постигна гол за прва ерупција на Џузепе Меаца, Интер поведе со 1-0.

Во 27та минута Весли Снајдер доби директен црвен картон по еден ироничен аплауз кон судијата.

Интер остана со фудбалер помалку, тоа беше убава можност Милан да тргне поконкретно кон голот на Цезар и да се избори за израмнување.

Но тоа не се случи, Интер знаеше како да го одржува водството, Милан се обидуваше, но сето тоа изгледаше јалово.

Во 65та Горан Пандев постигнува прекрасен погодок од слободен удар и го решава дерби натпреварот во Милано, фантастичен момент за нашиот најдобар фудбалер.

Пред самиот крај Милан имаше пенал, Лусио играше со рака во шеснаесетникот судијата оправдано покажа на белата точка, дефанзивецот на Интер беше исклучен.

Роналдињо го изведе ударот од 11 метри, но Жулио Цезар одбрани, не дозволи неговата мрежа да биде затресена.

Интер одигра помудро, Мурињо го надигра Леонардо, ова дерби комплетно им припадна на Нероазурите.