Англија | За средбата со Хал Сити во сабота, Арсен Венгер нема да може да смета на Лоран Кошчелни...



Дефанзивецот минатата недела го напушти тренинг кампот на Франција поради повреда на Ахиловата тетива, па нема да биде во комбинација за средбата со ’Тигрите’ овој викенд.
 
„Кошчелни има проблем со Ахиловата тетива” – рече Арсен Венгер на денешната прес конференција. „Чувствува дека во моментов не може да игра, па нема да настапи против Хал”.
 
„Кога е во прашање воспаление на Ахиловата тетива, доколку само чекате да биде подобро, се работи за краткорочна повреда. Но доколку сакате комплетно да ја санирате, тогаш се соочувате со подолга пауза”.
 
„Ќе ја следиме неговата ситуација и веднаш штом болката стане поднослива, Лоран ќе игра”.
 
Запрашан дали на Кошчелни му е потребна операција, менаџерот на Арсенал одговори: „Не. Направивме скен, нема никаква деградација на неговата тетива.”
 
„Тој само чувствува болка од воспалението”.
 
Десниот бек Метју Дебуши од поодамна е надвор од стројот, а поради суспензија дуелот со Хал ќе го прескокне и Калум Чемберс.
 
Младиот Ектор Бељерин најверојатно ќе игра на десната бековска позиција а Начо Монреал ќе биде прекомандуван во центарот на одбраната.
 
Арсен Венгер исто така пренесе дека Месут Озил поради повреда на коленото ќе паузира најмалку шест недели.
 
Добри вести за ’Топџиите’ е враќањето на Тео Волкот на тренинзите. Офанзивниот фудбалер, кој паузираше девет месеци поради тешка повреда на коленото, оваа недела тренираше со полна пареа и утре ќе настапи за У21 тимот на Арсенал.
 
Арон Рамзи исто така е на чекор до враќање на терените, Велшанецот следната недела ќе започне да тренира со преостанатиот дел од тимот.

Извор: 24FUDBAL.com.mk