Англија | Според новата книга за Пеп Гвардиола, тренерот на Баерн Минхен еден ден сака да се пресели на Олд Трафорд...



Шпанскиот новинар Мерти Перанау и близок пријател на Пеп Гвардиола е автор на книгата „Пеп Конфидентал" во која покрај другото ја открива желбата на шпанскиот тренер да седне на клупата на Манчестер Јунајтед.
 
При посета на Олд Трафорд во 2011, Пеп Гвардиола на својот тогашен асистент му ја пренел желбата еден ден да седне на жешкото столче на Манчестер Јунајтед.
 
„Денот по победата над Реал Мадрид во полуфиналето од Лигата на Шампионите, Гвардиола со својот асистент отпатува во Манчестер да го гледа нивниот следен противник" - пишува Перанау.
 
„Тоа беше 4. мај 2011, двајцата беа на трибините на Олд Трафорд гледајќи го тимот на Сер Алекс Фергусон како го победува Шалке со 4-1. Пеп се сврте кон неговиот пријател и рече :"Ми се допаѓа атмосферата, би сакал еден ден да бидам тренер на Манчестер Јунајтед".
 
„Гвардиола секогаш имал голема почит кон легендарните тимови и фудбалери во Европа".

Извор: 24FUDBAL.com.mk