Англија | Сер Алекс Фергусон му дава поддршка на Луи ван Гал, смета дека новиот тренер на Јунајтед е вистинскиот човек за овој клуб...



Ван Гал комплетно го реновира тимот кој го создаде Сер Алекс Фергусон, Холанѓанецот гради нов Манчестер Јунајтед.
 
Ова лето беа потрошени преку 150 милиони фунти за шест големи засилувања, беше срушен и англискиот рекорд со ангажманот на Анхел Ди Марија за 59,7 милиони фунти.
 
Олд Трафорд го напуштија Дани Велбек, Том Клеверли, Немања Видиќ, Рио Фердинанд  и Патрис Евра.
 
Фергусон вели дека Ван Гал е фантастичен стручњак, знае што прави и потполно го поддржува во намерата да изгради еден нов Јунајтед.
 
„Луи ван Гал направи многу промени, можеби тој ја прави вистинската работа, да го исчисти минатото и да изгради свој тим" - вели Фергусон.
 
„Има искуство и знае како да го направи тоа. Начинот на кој работи до сега, мислам дека е фантастичен".
 
Манчестер Јунајтед имаше катастрофален старт на сезоната, но работите почнаа да доаѓаат на свое место, па тимот се искачи на четвртото место пред екипите на Тотенхем, Арсенал и Ливерпул.

Извор: 24FUDBAL.com.mk