Италија | Директорот на Јуве, Павел Недвед вели дека би му ја одземал капитенската лента на Тоти поради изјавите по контроверзното дерби помеѓу Јувентус и Рома...
По натпреварот помеѓу Јувентус и Рома на кој во центарот на вниманието беше судијата Џанлука Роки, Тоти излезе со изјава во која ги критикуваше арбитрите велејќи дека тие знаеле дека ќе завршат на втората позиција бидејќи Старата Дама секогаш има помош од судиите.
Поранешниот фудбалер на Јуве, сега директор во клубот, врати на нападите на Тоти велејќи дека тој никогаш не играл во голем тим.
„Иако Франческо ми е пријател и вистински голем шампион, на крајот од натпреварот бев лут на него поради она што го кажа пред камерите" - изјави Недвед.
„Тоти никогаш не играл во голем тим каков што е Јувентус и од таа причина не знае како е да се работи во толку важен клуб".
„Сите се против Јувентус, зад нас ги имаме само фановите, сите останати се против нас".
„Би рекол дека тоа има ефект и врз судиите, кои се плашат да досудат одлука во наша полза".
„Рома повторно има фантастичен тим, Тоти игра одлично и му честитам за тоа, за тоа што го прави на теренот, не она што го зборува пред камерите".
„Доколку беше во мојот тим и изјавеше дека ќе завршиме на второто место, ќе му ја симнев капитенската лента".
Извор: 24FUDBAL.com.mk
