Во пресрет на градското дерби со Милан, Жозе Мурињо вели дека ’тој не се плаши од ништо и никого’

Стратегот на Интер исто така упати и порака до Марчело Липи кој одби да го посети тренинг центарот на Нероаѕурите откако беше во посета на Милан.

Мурињо има причина за мала насмевка откако утрово со тимот тренираа Весли Снајдер, Тиаго Мота и Сулеј Мунтари но Дејан Станоковиќ дефинитивно е ’во аут’.

“Имавме нормална недела, релаксирана во која го анализиравме противникот и ја сработивме нашата работа. Јас сум задоволен.” – рече Мурињо на денешната прес-конференција.

Запрашан за разликите во двата тима по првиот дуел кој Интер го доби со 4-0, Мурињо рече: “Можеби Милан игра со различна филозофија но ние немаме променето нешто.”

“Росоњерите добро го заштитија Леонардо во тешкиот период па клубот и тренерот покажаа голема зрелост.”

“Ова е дербито Интер-Милан, и тоа значи дека е оделен натпревар од се останато, каде што не се важи кој е во подобра форма или кој е фаворит. Ова е натпревар без логика.”

“Нема да биде одлучувачи бидејќи сеуште има многу натпревари до крајот. Но во секој случај јас посакувам победа.”

За одбивањето на Липи да го посети тренинг кампот на Интер, Мурињо рече: “Можеби Липи не сака да дојде тука бидејќи местото го потсетува на лош период од кариерата.”

Португалецот алудираше на периодот кога Липи си поднесе оставка од кормилото на Нероаѕурите по само една недела во неговата втора сезона откако беше елиминира од квалфикациските рунди за Лигата на Шампионите.

Powered by: 24 FUDBAL.com.mk