Англија | Во пресрет на мега дербито помеѓу Челзи и Арсенал, Жозе Мурињо не сака да му се извини на Арсен Венгер за последните меѓусебни препукувања...



Жозе Мурињо го нарече Арсен Венгер специјалист за неуспех откако претходно Французинот изјави дека тренерот на Челзи се плаши од неуспех.
 
Во недела нова битка помеѓу Мурињо и Венгер, Челзи на Стемфорд Бриџ го пречекува Арсенал.
 
„Јас не добив извинување, па нема да се извинам. Мислам дека треба да преминеме преку тоа, да го заборавиме и да продолжиме понатаму без да мислиме што се случило, не се потребни извинувања" - вели Мурињо.
 
„Ние менаџираме два големи клуба во Лондон и имаме одговорност да видиме добар фудбал пред милиони фанови на двата клуба. Па не треба да имаме проблеми".
 
Арсен Венгер никогаш не остварил победа против Мурињо, а минатата сезона Челзи со неверојатни 6-0 го доби дуелот со Арсенал на Стемфорд Бриџ.
 
„6-0 е резултат кој се случува еднаш во 50 години. Јас против Арсен Венгер? Никогаш не сум имал задоволство да играм еден на еден против него. Се работи за Челзи против Арсенал".
 
„Што се случило во минатото останува во минатото. Ова ќе биде тежок натпревар против добар тим".

Извор: 24FUDBAL.com.mk