Бразилскиот интернационалец, Кака вели дека се чувствува подобро по повредата и очекува наскоро да се врати во добра форма

Во последно време 65 милиони вредното засилување за Реал Мадрид беше критикуван од медиумите за слабите перформанси во дресот на Кралевите.

Сепак Кака, кој неодамна се мачеше со повреда на препоните, вели дека сега откако е целосно опоравен цели кон брзо враќање во добра форма.

Зборувајќи по вчерашниот дуел во Албанија, Кака рече: “Сакам да бидам важен играч за Реал Мадрид и се подобрувам брзо по мојата повреда.”

“Сакам да играм по природно и малку по малку ќе ги достигнам моите оптимални перформанси.”

Запрашан за вчерашната прес-конференција на Барселона на која беше соопштен новиот договор на Пеп Гвардиола иако стратегот на Каталонците сеуште го нема потпишано договорот, Кака рече: “Тоа е работа за која јас не сум заинтересиран. Најважна работа е да го обновиме договорот на нашиот тренер.”

“Ние треба да се грижиме за нашиот тим а не за останатите.”

За неговиот однос со Кристијано Роналдо, тој додаде: “Односот е многу добар и позитивен. Се смееме често бидејќи сме пријатели. Додатно, го зборуваме истиот јазик и ги разбираме шегите што ги правиме.”

Powered by: 24 FUDBAL.com.mk