Македонија | Вардар испушти победа во финишот од натпреварот против Ренова која успеа да си замине со бод од гостувањето кај лидерот на табелата...



Вардар уште еднаш оваа сезона покажа дека тешко му оди против екипи кои играат затворено.
 
Црвено-црните во 69. минута преку Филип Петковски успеаа да го скршат бункерот на Ренова, но не успеаа да го сочуваат водството до крај.
 
Во 89. минута Изаир Емини постигна гол за конечни 1-1.
 
Шкендија со убедливи 3-0 го победи Силекс, со истиот резултат Пелистер славеше над Тетекс.
 
Работнички со 2-1 победи на гостувањето кај Брегалница, Металург со 1-0 загуби во Турново.
 
Табела: Вардар 15, Пелистер 13, Силекс 12, Шкендија 11, Металург 11, Работнички 10, Турново 10, Ренова 9, Брегалница 3, Тетекс 2.

Извор: 24FUDBAL.com.mk