Англија | Напаѓачот на Челзи, Диего Коста е прогласен за Играч на Месецот во Премиер лигата, предводникот на Свонси, Гери Монк е Менаџер на Месецот...
Новото засилување на ’Сините’, Диего Коста стигна до наградата Играч на Месецот откако одлично ја започна кариерата во Премиер лигата со четири погодоци на три натпревари.
25 годишниот напаѓач постигна по еден гол во победите над Барнли и Лестер, а беше двоен стрелец во триумфот на Челзи од 6-3 над Евертон на Гудисон Парк.
„Среќен сум што ја добив оваа награда” - вели Диего Коста. „Многу е важно е да се започне добро во нов клуб, па задоволен сум со начинот на кој се одвиваат работите на стартот од сезоната”.
„Се надевам дека ќе продолжам да постигнувам погодоци за да му помогнам на тимот и да ги направам среќни нашите фантастични фанови”.
„Сакам да им се заблагодарам и на моите соиграчи, кои ми помогнаа да стигнам до оваа награда”
Наградата за Менаџер на Месецот оди во рацете на предводникот на Свонси, Гери Монк.
Клубот од Велс одлично ја започнаа новата сезона, го изненади Манчестер Јунајтед на гостувањето на Олд Трафорд во првото коло, а потоа пред своите фанови славеше над Барнли и ВБА.
Свонси во моментов со девет освоени бода е на делба на првото место на табелата заедно со Челзи.
Извор: 24FUDBAL.com.mk
