Евро 2016 | Франк Рибери нема да ја промени одлуката за пензионирање од репрезентацијата на ’Триколорите’ и покрај заканите од Мишел Платини за можна суспензија...



По мундијалот во Бразил, 31 годишниот офанзивен фудбалер соопшти дека се повлекува од репрезентацијата на Франција.
 
Многумина беа изненадени од ваквата одлука, особено што Европското Првенство во 2016 се игра токму во Франција.
 
Првиот човек на УЕФА, Мишел Платини не е задоволен од ваквиот потег на својот сонародник, и го предупреди дека може да добие суспензија доколку одбие да настапи за репрезентацијата.
 
Во разговор со Der Welt, фудбалерот на Баерн Минхен инсистира дека одлуката е конечна, па нема да се предомисли и покрај заканите на Мишел Платини.
 
„Нема да ја променам одлуката” – вели Рибери. „Разговарав со селекторот на Франција, Дидие Дешам и постигнавме договор”.
 
„Во иднина сакам целосно да се фокусирам на Баерн Минхен. Не сакам да кажам ништо повеќе на оваа тема”.
 
„Не сакам да бидам инволвиран во политиката што се води околу мојата одлука”.

Извор: 24FUDBAL.com.mk