Селекторот на Италија, Марчело Липи утрово го посети тренинг центарот на Јувентус и разговараше со играчите, тренерот и управата

Како што пренесуваат медиумите од Италија, Марчело Липи утрово го следел тренингот на Јувентус во Виново.

Извештаите говорат дека селекторот на Аѕурите пристигнал околу 11 и имал состанок со Ферара и дел од управата на Јувентус.

Ваквата посета на Липи била планирана подолго време, откако стратегот реши да ги посети големите клубови од Серија А, со цел да се запознае со состојбата на играчите во пресрет на Светското Првенство.

Во случајот на Јувентус, Липи бил информиран за состојбата на Јакинта, кој се опоравува од повреда, Буфон и Каморанези, кој исто така има посериозна повреда.

Се шпекулира дека селекторот можно е да се сретне и со новото засилување Кандрева, кој би можел да пристигне во Торино многу наскоро.

Липи вчера беше и во посета на Милан каде што се сретна со Гатузо, Пирло, Ѕамброта и Алесандро Неста, кој од поодамна се повлече од репрезентацијата.

Како што изјави вчера, Липи нема да го посети Интер бидејќи во шампионот на Италија нема многу членови на репрезентацијата на Италија.

Powered by: 24 FUDBAL.com.mk