МЕНИ

Англија | Крилото на Манчестер Јунајтед, Ешли Јанг смета дека и покрај лошиот старт на сезоната, неговиот тим има шанси за трофејот во Премиер лигата...

Поминаа три кола во Премиер лигата а Манчестер Јунајтед веќе има заостанување од седум бода во однос на Челзи, Црвените Ѓаволи во првото коло доживеаа пораз на свој терен од Свонси, а потоа одиграа нерешено против Сандерленд и Барнли.

Ако на ова се додаде и сензационалната елиминација од Лига Купот од МК Донс со 4-0, јасно е дека ситуацијата во Манчестер Јунајтед е алармантна.

Но, Ешли Јанг верува дека Манчестер Јунајтед може да дојде до титулата во Премиер лигата.

„Во минатите сезони кога сме стартувале лошо, на крајот сме ја освојувале титулата" - вели Јанг.

„Луѓето веќе не отпишаа, но сите тука знаат дека не треба да отпишувате клуб како Манчестер Јунајтед".

„Луѓето можат да зборуваат што сакаат, но ние внатре во клубот точно знаеме кои се нашите цели, кон што се стремиме, што сакаме да освоиме".

„Нема потреба да паничиме по неколку натпревари. Јасно е дека е разочарувачко но треба да извлечеме позитивни работи од изминатите натпревари".

„Дефинитивно мислам дека работите ќе се свртат за нас и би им рекол на фановите да не бидат загрижени, ќе бидеме добри".