Македонија | Селекторот на македонската репрезентација, Бошко Ѓуровски смета дека високиот пораз од Шпанија е реалниот одраз на силите на македонската репрезентација во моментов...

Македонија со убедлив пораз од 5-1 од Шпанија ги започна квалификациите за ЕВРО 2016.
 
„Заслужена победа на Шпанија. Мислам дека ова е реалноста на квалитетот на двете селекции" - изјави Ѓуровски по натпреварот.
 
„Секако дека 5:1 е висок резултат, но ако сме реални можеше да биде и многу повеќе во корист на европскиот првак. Имавме на моменти и можности да се вратиме, но не ги искористивме шансите".
 
„Мислам дека без разлика дали ќе игравме со четири или пет играчи во одбрана, Шпанија беше супериорна и доминираше на секаков начин. Тоа е нашата реалност и треба да се свртиме на следните натпревари, најпрвин во октомври со Луксембург”.

Извор: 24FUDBAL.com.mk