Македонија | Македонската фудбалска репрезентација во комплетен состав ги продолжува подготовките за дуелот со Шпанија откако во Валенсија се приклучија и напаѓачите Јаховиќ и Костовски...



Адис Јаховиќ поради медицински тестови во Крилја Советов и Јован Костовски поради вчерашниот натпревар за Левен, последни се приклучуваат на македонската експедиција која се подготвува во Валенсија за квалификацискиот натпревар против Шпанија.
 
Репрезентацијата е сместена на 20км од Валенсија и според информациите од ФФМ, условите за работа и приемот од домаќинот се на највисоко ниво.
 
Утре Македонија ќе одигра пријателски натпревар со Торе Леванте, локален тим кој се натпреварува во третата шпанска лига. Контролата ќе биде од затворен карактер.
 
И нашиот противник, селекцијата на Шпанија утре има пријателски натпревар, но со далеку посериозен противник од нашиот, гостува кај селекцијата на Франција.

Извор: 24FUDBAL.com.mk