Тиери Анри денеска ќе се сретне со дисциплинскиот комитет на ФИФА околу играњето со рака на дуелот со Република Ирска

Светското фудбалско тело ќе го сослуша случајот на интернационалецот од Франција откако извршниот комитет на ФИФА го достави предметот до дисциплинскиот комитет.

Инцидентот е поврзан со одлучувачкиот погодок на Франција со кој Триколорите ја елиминираа Ирска од бараж дуелот за Светското Првенство, кога Тиери Анри играше со рака пред да му асистира на Вилијам Гала.

ФИФА сега ќе ги прегледа видео снимките и ќе пресуди дали да се покрена постапка кон напаѓачот на Барселона или не.

Според сегашните правила на светското фудбалско тело, Анри не може да биде казнет за својата постапка.

Сегашниот дициплински код диктира дека само нелегална употреба на раката за да се спречи постигнување на погодок може да резултира со можни санкции.

Па затоа е можно Анри да се извлече само со предупредување или парична казна наместо суспензија од интернационалните настапи која дури може да го загрози учеството на напаѓачот на Светското Првенство.

Powered by: 24 FUDBAL.com.mk