Македонија | Селекторот на Македонија, Бошко Ѓуровски го објави списокот со фудбалери на кои ќе смета за стартот на квалификациите за ЕП 2016, како што се очекуваше на него го нема Бобан Грнчаров, за репрезентацијата ќе дебитира Адеми од Динамо Загреб...



Покрај Грнчаров, на списокот го нема и Давид Бабунски од кој Ѓуровски бара континуирано да настапува во клубот.
 
„Нема сомнение дека Бабунски е бисер на нашиот фудбал, тој треба да има континуитет и да ги покаже квалитетите. Вратите за него се секогаш отворени" - вели Ѓуровски.
 
Неофицијалните информации велат дека Грнчаров не е на списокот поради расправија со ФФМ, селекторот вели дека дефанзивецот на Вардар не е повикан од фудбалски причини.
 
„Одбрамбените играчи кои се повикани се тие кои сметам дека можат да ги спроведат моите замисли, Грнчаров не е отфрлен од други причини. Јас сум оној кој што го прави списокот и тој што е одговорен за резултатите".
 
Во составот не е ниту Иван Тричковски кој го откажа настапот поради недоволна подготвеност.
 
На списокот се двајца фудбалери од домашното првенство, Дарко Глишиќ од Вардар и Маријан Радески од Металург, деби за репрезентацијата ќе има и Аријан Адеми од Динамо Загреб кој треба да биде сериозно засилување за селекцијата.
 
Новиот квалификациски циклус го започнуваме на 8. септември против Шпанија, натпреварот се игра во Валенсија.
 
Списокот на репрезентативци за дуелот со Шпанија:
 
Голмани:
 
Томе Пачовски (Мехелен, Белгија)
Мартин Богатинов (Ермис, Кипар)
Дарко Тофиловски (Кошице, Словачка)
Кристијан Наумовски (Левски, Бугарија)
 
Одбрана:
 
Ванче Шиков (Австрија Виена, Австрија)
Даниел Мојсов (Бран Берген, Норвешка)
Александар Дамчевски (НАЦ Бреда, Холандија)
Адријан Цуцули (Партизани, Албанија)
Ерџан Алиоски (Шафхаузен, Швајцарија)
Дарко Глишиќ (Вардар)
Стефан Ристовски (Парма, Италија)
Кире Ристевски (Славија Софија, Бугарија)
Александар Тодоровски (Штурм, Австрија)
 
Среден ред:
 
Аријан Адеми (Динамо Загреб, Хрватска)
Стефан Спировски (Берое, Бугарија)
Мухамед Демири (Сент Гален, Швајцарија)
Марјан Радески (Металург)
Ферхан Хасани (Брондби, Данска)
Александар Трајковски (Зулте Варегем, Белгија)
 
Напад:
 
Агим Ибраими (Марибор, Словенија)
Адис Јаховиќ (Риека, Хрватска)
Јован Костовски (Левен, Белгија)
Крсте Велкоски (Сараево, БиХ)
Бесарт Абдурахими (Локерен, Белгија)

Извор: 24FUDBAL.com.mk