Шпанија | Нејмар би можел да го пропушти воведниот натпревар на Барселона од новата сезона во Примера против Елче, напаѓачот го повредил скочниот зглоб на левата нога...



Барселона соопшти дека Нејмар го пропуштил денешниот тренинг откако вчера се пожалил на болки во скочниот зглоб на левата нога.
 
Деталните тестови извршени утрово покажале дека се работи за извиткување од прв степен.
 
’Каталонците’ не соопштија колку време играчот ќе биде надвор од стројот, а според пишувањата на медиумите, Нејмар најверојатно само ќе го пропушти дуелот со Елче во недела.
 
Репрезентативецот на ’Кариоките’ неодамна се врати во полн фитнес по повредата на грбот заработена на мундијалот во Бразил.

Извор: 24FUDBAL.com.mk