Италија | Gazzetta dello Sport пишува дека поради високата цена која треба да ја плати, Милан се откажал од намерата да го ангажира Черчи, следната цел на Росоњерите е нашиот фудбалер, Горан Пандев...



Милан е во потрага по напаѓач, а прва опција за Росоњерите беше играчот на Торино, Алесио Черчи.
 
Информациите од Италија велат дека Милан не може да си ја дозволи сумата која ја бара Торино за овој фудбалер, па Росоњерите синоќа и официјално се откажале од намерата да го ангажираат напаѓачот.
 
Сега раководството на Милан се насочува кон Горан Пандев, кој е поевтина опција за засилување во нападот.
 
Веќе некое време Пандев се поврзува со Милан, а Македонецот за Македонски Спорт изјави и дека има конкретна понуда од Росоњерите која не ги задоволува неговите финансиски барања.
 
Прогнозите се дека Милан во текот на оваа недела ќе настапи со нова понуда за Пандев и ќе го договори трансферот на македонскиот фудбалер кој уште еднаш е во немилост на Рафа Бенитез.

Извор: 24FUDBAL.com.mk