Германија | Белгијскиот дефанзивец, Даниел Ван Бујтен објави пензија на фудбалската кариера, 36-годишнио фудбалер ги обеси копачките.,,



Ван Бујтен кој играше за Белгија на светското првенство реши да стави крај на фудбалската кариера.
 
Неговата соработка со Баерн Минхен заврши по истекот на минатата сезона, интерес за неговите услуги имаше од Андерлехт, но тој реши дека е доста.
 
„Мојата последна цел беше да играм на светско првенство и да и дадам нешто на мојата земја" - изјави Ван Бујтен.
 
„Од јануари работен напорно за да се подготвам за големиот турнир. Моето тело страдаше поради тоа".
 
„Бев почастен со интерес од неколку клубови додека бев во Бразил. Највеќе ме допре интересот од Андерлехт".
 
„Но оние кои ме знаат добро, знаат дека кога ќе влезам во некој проект, давам 100%. Се обидов во изминатите неколку недели но моето тело ми кажуваше дека е невозможно. Не сакам да разочарам клуб каков што е Андерлехт и неговите навивачи. Затоа ја одбив нивната понуда".
 
„Сега за мене започнува нов живот и сакам да поминувам повеќе време со мојата сопруга, моите деца и луѓето кои ги сакам".
 
Ван Бујтен кариерата ја започна во Шарлерои во 1998, потоа помина две години во Стандард Лиеж па во 2001 се пресели во Марсеј.
 
Во 2004 година премина на позајмица во Сити, но одигра само пет натпревари во Премиер лигата пред да се врати во Марсеј од каде премина во Хамбургер.
 
Во 2006 прави трансфер во Баерн Минхен каде што остана осум години и освои четири шампионски титули и Лига на Шампиони.

Извор: 24FUDBAL.com.mk