Шпанија | Според пишувањата на медиумите од Шпанија, Реал Мадрид му понудил на Раул Гонзалез да се врати во клубот и да стане нов спортски директор...



На почетокот од овој месец на Сантијаго Бернабеу се врати легендата Фернандо Јеро, поранешниот дефанзивец на ’Кралевите’ стана помошник тренер на Карло Анчелоти.
 
Медиумите од Шпанија сега најавуваат враќање на уште една легенда, Реал Мадрид стапил во контакт со Раул Гонзалез и на поранешниот капитен му ја понудил функцијата спортски директор.
 
Ова место во моментов е празно откако ’Кралевите’ решија да се разделат со Мигел Пардеза по крајот на минатата сезона.
 
Извештаите велат дека преговорите помеѓу Реал и Раул се во почетна фаза, фудбалерот е под договор со Ал Сад, но лидерите на шампионот на Европа се убедени дека во следните месеци ќе успеаат да постигнат договор за враќање на Шпанецот на Сантијаго Бернабеу.

Извор: 24FUDBAL.com.mk