Новото засилување на Ливерпул, Макси Родригез се надева дека брзо ќе се адаптира на новата средина.

Аргентинскиот фудбалер, Макси Родригез го даде првото интервју како фудбалер на Ливерпул, откако како слободен фудбалер од Атлетико Мадрид дојде на Енфилд.

29-годишниот фудбалер кој потпиша 18 годишен договор со Ливерпул се надева дека брзо ќе се адапитира.

"Ова е добар чекор во мојата кариера, среќен сум што сум во клуб каков што е Ливерпул" - изјави Макси Родригез за официјалната страна на клубот.

"Мојата приоритетна цел е да се адаптирам, и да им помогнам на соиграчите и тимов во остварување на целите".

"Оптимист сум, сакам да помогнам на институција каква што е Ливерпул и ќе дадам најдобар придонес што можам".

"Не мислам дека ќе ми биде потребно многу време да се адаптирам".

"Исто така се надевам дека брзо ќе го научам англискиот јазик кој започнав да го учам малку пред да дојдам овде".

Родригез оваа сезона не добиваше многу шанса во Атлетико, но се надева дека тоа нема да биде проблем да настапи уште на утрешниот натпревар против Стоук.

"Не сум играл многу натпревари, вистина е тоа, и последните неколку кола ги пропуштив поради тоа што Ливерпул се интересираше за мене".

"Но тренирав, и комплетно сум подготвен и се надевам дека ќе бидам во составот".

Родригез им се приклучува на неговиот сонародник Хавиер Маскерано и поранешниот соиграч Фернандо Торес.

"Секогаш е задоволство да се дели соблекувалната со играчи со кои заедно си играл претходно".

"Задоволство е повторно да сум со нив и да играме заедно" - заврши Макси Родригез.

Powered by: 24 FUDBAL.com.mk