Англија | Хуан Мата е среќен под водство на Луис ван Гал и верува дека холандскиот стратег може да го предводи Манчестер Јунајтед до нови титули...



Манчестер Јунајтед имаше очајна сезона, тимот под водство на Дејвид Мојс не успеа да избори ниту место во фудбалска Европа.

Луис ван Гал кој имаше одлично светско првенство со Холандија е надежта за фановите на Манчестер Јунајтед дека нивниот клуб повторно ќе биде на највисоките места.

Оптимист е и Хуан Мата кој во текот на минатата сезона од Челзи направи трансфер во Манчестер Јунајтед.

„Ова е старт на една нова ера за клубот, со нов менаџер и нови фудбалери кои доаѓаат" - вели Мата за MUTV.

„Навистина сум среќен со стилот што го практикува Ван Гал и се надевам дека на крајот од сезоната ќе можеме да славиме нешто, што би било фантастично и за него и за нас".

„Сега најважно е да се подготвиме, чекор по чекор, да бидеме спремни физички и ментално за долгата сезона".

„Главната цел е да играме како тим и да се бориме за титули".

Извор: 24FUDBAL.com.mk