Италија | Рома го ангажираше Хуан Мануел Итурбе од Верона, Аргентинецот стави потпис на договор со трајност до 30. јуни 2019...



По преселбата во Верона, 21 годишниот офанзивен фудбалер од средниот ред ја врати кариерата на прав пат и со импресивни перформанси покажа со каков талент и потенцијал располага.
 
Неговите добри игри го привлекоа вниманието на неколку клубови, Јувентус долго време се посочуваше како фаворит за потписот на Хуан Итурбе, но зделката пропадна во последен момент откако Антонио Конте неочекувано си поднесе оставка.
 
Ваквата ситуација ја искористи Рома, ’Римската Волчица’ за кратко време постигна договор со Верона, и вчера во доцните вечерни часови го комплетираше трансферот на Аргентинецот.
 
„Рома може да соопшти дека го ангажираше Хуан Итурбе од Верона за сума од 22 милиони евра плус 2,5 милиони евра во најразлични бонуси” – гласеше известувањето на клубот од Олимпико.
 
„Играчот ќе стави потпис на пет годишен договор со трајност до 30. јуни 2019”.

Извор: 24FUDBAL.com.mk