МЕНИ

Шпанија | Според пишувањата на медиумите од Шпанија, Реал Мадрид е на чекор до ангажман на голманот на Леванте, Кејлор Навас...

По одличната сезона во дресот на Леванте, 27 годишниот голман имаше i солиден настап на светското првенство со репрезентацијата на Коста Рика, па го привлече вниманието на неколку клубови.

Атлетико Мадрид и Порто доставија понуди кои не ги задоволија барањата на Леванте па експресно беа одбиени.

Баерн Минхен потоа беше посочен како најсериозен кандидат за потписот на Кејлор Навас, шампионот на Германија се сложи да ја плати откупната клаузула во неговиот договор.

’Баварците’ по се изгледа нема да стигнат до услугите на репрезентативецот на Коста Рика, последните информации велат дека голманот ќе се пресели во Реал Мадрид.

AS и Marca утрово објавија дека ’Кралевите’ во последен миг стапиле во контакт со Леванте и го известиле клубот дека ќе платат 10 милиони евра за услугите на Кејлор Навас, колку што изнесува сумата во откупната клаузула.

Зделката нема официјално да биде потврдена се додека Реал Мадрид не го продаде Диего Лопез.

За услугите на Шпанецот интерес пројавуваат Монако и Наполи.