Медиумите од Англија пренесуваат дека Макси Родригез пристигнал во Ливерпул на медицински прегледи и комплетирање на преселбата на Енфилд

29 годишниот фудбалер на Атлетико Мадрид наскоро треба да ги помине медицинските тестови пред да стави потпис на 18 месечен договор со Ливерпул во трансферот вреден 1,5 милиони фунти.

Извештаите говорат дека вечерва Макси ќе го следи натпреварот помеѓу Ливерпул и Ридинг во рамките на ФА Купот за потоа да се врати во Шпанија и да го финализира сите детали за неговото заминување.

Родригез, кој е близок пријател на Хавиер Маскерано сеуште треба да договори некои парични исплати со Атлетико Мадрид.

Но Рафа Бенитез се надева дека зделката ќе може да се комплетира на време за Макси да биде во составот за заботниот натпревар со Стоук.

Ангажманот на Аргентинецот следи откако Ливерпул ги продаде Андреа Досена и Андреи Вороњин од кои Црвените кешираа околу 6,5 милиони фунти.

Можно е многу наскоро и Рајан Бабел да го напушти Енфилд откако Бенитез добил ветување дека парите од продажбата на Холанѓанецот ќе може да ги искористи сега а не по крајот на сезоната.

Поранешниот играч на Ајакс се проценува на околу 10 милиони фунти.

Powered by: 24 FUDBAL.com.mk