Англија | Поранешниот фудбалер на Ливерпул, Џејми Карагер смета дека само Меси и Роналдо се подобри од Луис Суарез, па Црвените кого и да купат, нема да можат да го заменат Уругваецот...



Ливерпул го продаде Луис Суарез на Барселона за околу 88 милиони евра.

Црвените до сега се засилија со Рики Ламберт, Адам Лалана и Емре Кан, а денес се очекува да биде потврден и трансферот на Лазар Марковиќ.

Сигурно Брендан Роџерс ќе сака да донесе и некое позвучно име, ова не е конечната листа на засилувања за Ливерпул во летниот преоден рок, но Карагер смета дека никој не може да го замени Суарез.

„Јасно е дека е многу тешко да го замените Луис Суарез" - изјави Карагер за talkSPORT.

„Ливерпул троши пари на различен начин засилувајќи повеќе позиции во тимот, но тие и онака требаа да го прават тоа бидејќи не можете да најдете подобар од Суарез".

„Сигурен сум дека Брендан ќе бара напаѓач од највисока класа, но зборуваме за замена на еден од најдобрите фудбалери во светот".

„Можеби само Лионел Меси и Кристијано Роналдо се пред него во изминативе години, па шансите да најдете некој подобар од него, се премногу мали".

„Но со враќањето во Лигата на Шампионите, на Ливерпул му е потребен поголем состав и повеќе квалитет, изгледа тоа го прават во моментов".

Извор: 24FUDBAL.com.mk