МЕНИ

Лига Европа | Хоризонт Турново и Шкендија се елиминирани уште на стартот од квалификациите за Лига Европа, Металург продолжува во следното коло...

Ништо ново кога се во прашање македонските екипи и Европа, ждрепката донесе добри противници, но се чини дека и тие се пресилни за нашите клубови.

Синоќа се случи уште една потврда за очајното ниво на македонскиот фудбал, веќе многу ретки се клубовите со кои нашите екипи можат да се носат.

По поразот во Скопје од 1-0, Турново на реваншот во Грузија кај Чикура загуби со 3-1.

Победата од 2-1 на Шкендија на домашен терен над Зимбру се покажа како недоволна за продолжување на натпреварите во Европа.

Тетовчани загубија со 2-0 на гостувањето во Молдавија и сега може да се фокусираат на домашното првенство.

Единствен кој ја оправда честа е тимот на Металург, кој по триумфот во Андора над Санта Колома од 3-0, синоќа на Арената Филип Втори славеше со нова победа, овој пат од 2-0.

Во следното коло Металург ќе има значително посилен противник од оној кој го помина, тимот на Захариевски за седум дена ќе игра против славниот босански клуб, Железничар.