Англија | Манчестер Сити го потврди трансферот на Вили Кабаљеро од Малага, голманот стави потпис на три годишен договор...



Медиумите подолго време најавуваа дека 32 годишниот Аргентинец ќе биде третото засилување за ’Граѓаните’ ова лето.
 
Сити и Малага минатата недела постигнаа согласност за трансфер вреден околу 6 милиони фунти, а играчот вчера пристигна во Манчестер на лекарски прегледи.
 
Откако утрово беа комплетирани сите формалности, Вили Кабаљеро стави потпис на тригодишен договор.
 
„Манчестер Сити со задоволство може да соопшти дека го ангажираше голманот Вили Кабаљеро” – гласеше известувањето на ’Граѓаните’.
 
За преселбата на Етихад Стадионот, Кабаљеро рече: „Многу сум среќен, со нетрпение го чекам стартот на подготовките за новата сезона”.
 
„Ова е нов предизвик и ново првенство за мене. Знам дека пристигнувам во голем клуб каде има навистина добар голман”.
 
„Сити веќе има одличен голман во Џо Харт, но ќе се обидам да конкурирам за место помеѓу стативите. Ќе го дадам максимумот на тренинзите”.

Извор: 24FUDBAL.com.mk