СП 2014 | Во пресрет на полуфиналето против Бразил, Јоаким Лев ја истакнува грубата игра на бразилските фудбалери кои според него се многу толерирани од судиите...
Вечерва Германија го игра полуфиналниот натпревар против домаќинот Бразил, за Панцирите целта е секогаш иста, највисокото место во светот на фудбалот.
Селекторото на Герамнија, Јоаким Лев ја истакнува грубата игра на Бразилците.
„Се надевам дека судијата, Г-дин Родригез од Мексико ќе ги смири работите. Физичката енергија на натпреварот помеѓу Бразил и Колумбија ги помина границите кои ги има пример во Европа. Во Европа тој натпревар не би го завршиле 22 фудбалери" - вели Лев.
„Имаше брутални фаули, противниците беа блокирани на секој начин. Беше навистина грубо. Тоа го гледавме на теренот, па се надевам дека ваквата бруталност и груби фаули ќе бидат запрени, или нема да гледаме играчи како Лионел Меси, Месут Озил или Нејмар, ќе гледаме само фудбалери кои излегуваат на теренот да го уништат противникот".
„Ова светско првенство е полно со динамика и физичка игра, но гледав натпревари на кои границите беа поминати".
„Колумбија и Бразил беше дуел со вистинска битка и многу фаули од двете страни, не само оној врз Нејмар, туку и многу други".
„На тој натпревар активно се играше 38-39 минути, имаше многу паузи во играта. Не мислам дека фудбалерите и фановите сакаат натпреварите постојано да бидат прекинувани".
„Имаше многу лоши фаули на тој дуел, и судијата е оној кој треба да ги заштити фудбалерите".
Лев не мисли дека отсуството на Нејмар и Тиаго Силва ќе го направи Бразил послаб.
„Не треба да верувате дека отсуството на Нејмар или Тиаго Силва негативно ќе влијае на Бразил. Данте нема да одигра лош натпревар против Бразил, Тој е одличен фудбалер".
„Гледате тимови како губат некои фудбалери и други ја превземаат одговорноста. Тие ќе истрчаат на теренот борејќи се за Нејмар и за нацијата, сакаат финале".
„Ние жалиме за тоа што му се случи на Нејмар и бразилскиот тим, беше повреден на ужасен начин, ќе бевме среќни и тој да беше на теренот, му посакуваме се најдобро и брзо опоравување".
Извор: 24FUDBAL.com.mk
