Одбрамбеното дуо на Интер, Давиде Сантон и Марко Матераци нема да го напуштат Интер во јануари, вели агентот Ренцо Контрато.

Поради малата минутажа која ја добиваат од Жозе Мурињо, се појавија гласини дека Сантон и Матераци ќе заминат од Интер уште во јануари.

Сепак, агентот Ренцо Контрато ги негира ваквите гласини и вели дека и двајцата фудбалери ќе останат на Џузепе Меаца.

"Нема вистина во тоа. Никогаш немало преговори помеѓу Интер и Лацио за Сантон, и мислам дека можностите Давиде да го напушти Интер се близу нула" - вели агентот.

"Сега кога Киву е повреден, шансите се поголеми Сантон да игра, ќе видиме што ќе се случи".

Матераци кој исто така не е во посериозните планови на Мурињо, се поврзува со трансфер во Панатенаикос.

"Тие покажаа интерес, но ништо повеќе".

"Не започнавме преговори. Марко во моментов заздравува од повреда и мораме да почекаме да видиме како ќе се одвива тоа".

"Но исто како и за Сантон, шансите се нула тој да замине, и мислам дека ќе остане во Милано" - заврши агентот.

Powered by: 24 FUDBAL.com.mk