Шпанија | Тони Крос ги демантира сториите кои велат дека е нов фудбалер на Реал Мадрид и инсистира дека во овој момент приоритет е мундијалот во Бразил...



Шпанскиот весник Marca, кој е близок до раковдството на ’Кралевите’, оваа недела често пишуваше за преселбата на Тони Крос на Сантијаго Бернабеу.
 
Извештаите велеа дека играчот има согласност со Реал Мадрид за петгодишен договор и плата од 5 милиони евра по сезона, а двата клуба си подале рака за зделка вредна 25 милиони евра.
 
Сепак, самиот Тони Крос ги негира ваквите стории, вели дека не потпишал со ’Кралевите’ и додава дека во овој момент е фокусиран само на светското првенство.
 
„Во неколку наврати кажав дека нема да донесам одлука за мојата иднина се до крајот на мундијалот” – вели репрезентативецот на ’Панцирите’.
 
„Не можам да ја коментирам секоја сторија што ќе се појави во медиумите”.
 
„Кога ќе заврши светското првенство, ќе донесам одлука и ќе биде издадено соопштение”.
 
„Ништо нема да се случи за време на мундијалот. Нема да потпишам за никого се додека сум со репрезентацијата на Германија”.

Извор: 24FUDBAL.com.mk