Англија | Шпанското радио, Cadena Ser утринава излезе со информација дека Ливерпул и Барселона постигнале договор за трансферот на Луис Суарез, Каталонците ќе платат 90 милиони евра...



Информациите доаѓаат по синоќешниот состанок во Лондон помеѓу претставници на двата клуба.
 
Синоќа ФИФА потврди дека на Луис Суарез ќе му биде дозволено да направи трансфер како и да тренира со неговите соиграчи за време на суспензијата.
 
Луис Суарез е главната цел на Барселона ова лето и покрај тоа што има суспензија од четири месеци.
 
Каталонците нема да штедат за да го донесат Уругваецот, а според повеќе медиуми, се очекува зделката да биде комплетирана во наредните 48 часа.
 
Од англиските медиуми, Daily Mail исто така пишува дека е постигнат договор за сума од 80 милиони фунти.
 
Сите се согласни дека во договорот нема вметнато фудбалер на Барселона, Ливерпул ќе добие само кеш.
 
Сеуште нема официјални информации од клубовите, но се поизвесно е дека Барса во следната сезона ќе го има триото Нејмар, Меси, Суарез.

Извор: 24FUDBAL.com.mk