Франција | Потпретседателот на Монако, Вадим Василјев вели дека Радамел Фалкао и Џејмс Родригез и следната сезона ќе настапуваат на Стадионот Луј Втори...
Подолго време се шпекулира дека Радамел Фалкао ќе се пресели во Реал Мадрид, а во последно време често се говори дека ’Кралевите’ сакаат ова лето да го ангажираат и неговиот сонародник, Џејмс Родригез.
Потпретседателот на Монако, Вадим Василјев вели дека во моментов не се водат преговори за продажба на Радамел Фалкао,
Тој очекува напѓачот и следната сезона да настапува на Стадионот Луј Втори, заедно со Џејмс Родригез.
„Сметаме на Фалкао” – рече Василјев на вчерашната прес-конференција. „Веруваме дека тој ќе има одлична сезона во дресот на Монако”.
„Не се водат преговори со ниту еден клуб”.
„Што се однесува до Џејмс Родригез, сите беа изненадени што плативме толку голема сума пред една година”.
„Сега сите зборуваат за него, и тоа покажува дека нашиот потег бил исправен!”
„Веруваме во него, тој е од голема важност за нашиот тим. Очекуваме Родригез и Фалкао да продолжат тука и да бидат од голема корист за Монако во новата сезона”.
Василјев исто така пренесе дека Монако нема да го ангажира Виктор Валдес.
Голманот, кој е без клуб откако на 30. јуни му истече договорот со Барселона, има согласност со вицешампионот на Франција за четиригодишен договор.
Но поради повредата на коленото, Виктор Валдес не може да ги помине медицинските прегледи, па клубот од малото кнежевство нема да го испочитува дадениот збор од пред неколку месеци.
„Имавме контакт со Виктор Валдес, но како што знаете тој е повреден и не може да ни се придружи”.
Извор: 24FUDBAL.com.mk
