МЕНИ

Македонија | Металург славеше прва историска победа во европските натпреварувања откако со убедливи 3-0 се враќа од Андора, Хоризонт Турново загуби на домашен терен од Чикура...

Металург конечно ја забележа првата победа во европските натпреварувања, и покрај заминувањето на голем стандардни првотимци, тимот на Срѓан Захариевски беше пресилен за Санта Колома.

Прашањето за победникот во овој натпревар беше многу брзо решено, по само 15 минути игра Металург водеше со 2-0 со головите на искусниот Крстев и Стојановски.

Конечните 0-3 дојдоа при крајот на дуелот, Симоновски во 83. минута погоди за заверка на убедливата партија.

Реваншот би требало да биде само формалност, а подобриот од дуелот помеѓу Ловќен и Железничар ќе биде следниот противник на Металург.

За разлика од Металург, Хоризонт Турново се наоѓа пред елиминација уште на стартот откако денеска на Арената Филип Втори загуби со 1-0 од грузиската екипа Чикура.

Турновци добро го започнаа натпреварот, создадоа неколку прилики за гол, но во 31. минута стигна студен туш откако Кучукидзе погоди со глава за предност на Чикура.

Во 41. минута гостите останаа со фудбалер помалку, Чекваидзе опасно, со отворен ѓон стартуваше врз Најденов, судијата му покажа директен црвен картон.

Но Хоризонт Турново не знаеше како да ја искористи играчката надмоќ на теренот, па избраниците на Гоце Седлоски до крајот на натпреварот креираа само две добри прилики за гол.

Најпрво Сашко Пандев од далечина биеше под пречката, голманот на Чикура одбрани, а при крајот на дуелот Чурлинов ја погоди стативата.

Според резултатот и играта, се чини дека Хоризонт Турново уште на самиот старт ќе ја заврши европската авантура.